Ráð við þunglyndi

Byrjaðu á því að grandskoða tilfinningar þínar og grafa upp raunverulegu ástæðuna fyrir dapurleika þínum.  Er hún léttvæg eða mikilvæg?  Verðurðu búin/n að gleyma þessu á morgun? Ástæður þínar fyrir að vera súr í geði geta verið yfirborðskenndar og þú gætir auðveldlega hirst þær af þér (reyna að gera sér grein fyrir ástæðunni – ráðagerð – eitthvað sem þú hefðir átt að gera – eitthvað sem þú hefðir ekki átt að gera – ábyrg hugsun óframkvæmd – ábyrg hugsun framkvæmd?

Þú getur lyft þér snarlega með því að gera eitthvað fyrir sjálfa/n þig, svo sem gefa sjálfri/sjálfum þér gjöf. Hattur, ný hárgreiðsla, bindi, veiðistöng, bók, tónlist eða eitthvað til tómstundariðkana.

Reyndu að breyta um takt, breyta venjum þínum.  Breyting á umhverfi – jafnvel að fara á annan matsölustað í hádeginu eða í aðra verslun til að gera innkaupin getur læknað dapurleika (koma sér úr stöðnun – hver eru áform þín?)

Gera eitthvað líkamlega erfitt – hraða gönguferð að kvöldi – smásprettur í golfi. Forðastu samkeppnisíþróttir, því ef þú tapar getur þú orðið enn daprari.

Forðastu að hamra á eða endurlifa liðin atvik þegar þú ert búin/n að sjá að ekkert er hægt að gera í málinu og þetta ýfir bara upp gömul sár (forðastu minningargreinar um fyrri ákvarðanir).

Ef þú býrð ein/n og ert döpur/dapur, komdu þér þá út og blandaðu geði við aðra. Ef þú einangrar þig ferð þú sennilega að vorkenna þér.

Hafðu nóg að gera – útbúðu lista yfir það sem þér finst reglulega gaman að gera – hvort sem það er heimsókn til náins vinar eða bara að fara á boltaleik, farðu svo og gerðu eitthvað af listanum (hafðu listann tilbúinn fyrir framan þig)

Komdu tilfinningun þínum á framfæri með því að ræða um það sem íþyngir þér við maka þinn, prestinn, trúnaðarvin eða annan sem þú virðir og treystir – vandamál sem eru komin fram í dagsljósið virðast oft léttvægari (þau sjást þá eins og þau raunverulega eru).

Reyndu að ráða við dapurleika þinn. Eitt algengasta ráðið í sögu mannsins til að endurnýja sig er að fara í “guðshús”.  Aðrir fara í heitt bað eða hlusta á rólega tónlist til að fá sömu hughrif (ræða um trú – sálræna vakningu). Áhrif tónlistar.

Hætta að hugsa um sjálfa/n þig sem miðdepil alheimsins.  Íhugaðu vandamál fjölskyldu þinnar og vina.  Ef þú gerir eitthvað sem hefur raunverulegt gildi fyrir aðra manneskju eykurðu sjálfsvirðingu þína og sjálfstraust.  Keyptu gjöf fyrir barnið þitt, maka þinn, vin eða foreldri. Það getur líklega fengið dapurleikann til að hverfa (gjöfin þarf ekki að kosta – sláðu gullhamra)

Reyndu að gleyma þér við eitthvað skemmtilegt. Taktu frí frá sjálfri/sjálfum  þér með því að hafa hugann við kvikmynd, leikrit, góða skáldsögu, tómstundaiðkun eða leik sem krefst mikillar einbeitingar. Listsköpun svo sem að mála málverk spila á hljóðfæri getur líka verið það sem hjálpar.

Þakkaðu fyrir það sem þú hefur í stað þess að sitja og íhuga eymd þína.  Ef þú leggur dapurleika þinn öðru megin á vogaskálarnar og hæfileika þína og náðargjafir hinu megin, hlýtur þér að líða betur.  Ef þú ihugar ríkidæmi þitt, hlýtur að renna upp fyrir þér að þú ert ekki hjálparvana vonlaus vera.

Og fyrir alla muni – haltu kímingáfunni.  Hlæðu.  Sannarlega þurfum við að geta hlegið af sjálfum okkur.