|
1. gr.
Félagið heitir Styrkur – úr hlekkjum til frelsis
2. gr.
Heimili félagsins og varnarþing er í Reykjavík
3. gr.
Tilgangur félagsins er að vera sjálfshjálparsamtök fyrir þolendur heimilisofbeldis og aðstandendur þeirra. Eingöngu er um áhugamannafélag að ræða og það mun eigi standa í atvinnurekstri eða stunda fjárhagslega starfsemi.
4. gr.
Tilgangi sínum hyggst félagið ná með að koma á sambandi milli fólks með reynslu af heimilisofbeldi, opna umræðuna í þjóðfélaginu og gera þolendur sýnilega, veita andlegan stuðning með umræðum og miðla af reynslu félagsmanna.
5. gr.
Stofnfélagar eru: Hjördís H. Guðlaugsdóttir
Berglind Guðmundsdóttir
G. Helga Harðardóttir
Jóhanna Jóna Gunnlaugsdóttir
Þóra Björg Guðjónsdóttir
6. gr.
Stjórn félagsins skal skipuð 5 félagsmönnum þ.e. formanni og 4 meðstjórnendum. Það er ekki skilyrði fyrir stjórnarsetu að stjórnarmeðlimir séu þolendur heimilisofbeldis. Stjórnarmenn skulu kosnir til 2 ára í senn á aðalfundi en formaður skal kosinn á hverjum aðalfundi til eins árs í senn. Formaður boðar stjórnarmenn á stjórnarfundi þegar þurfa þykir. Halda skal stjórnarfund krefjist tveir eða fleiri stjórnarmenn þess.
Daglega umsjón félagsins annast formaður stjórnar.
Firmaritun félagsins er í höndum meirihluta stjórnar.
7. gr.
Starfstímabil félagsins og reikningsár er almanaksárið. Aðalfundur skal haldinn fyrir lok maímánaðar ár hvert. Á aðalfundi félagsins skal stjórn gera upp árangur liðins árs. Ársreikningar skulu liggja frammi á aðalfundi.
8. gr.
Tekjur félagsins eru eingöngu frjáls framlög.
9. gr.
Félagsmenn teljast þeir sem mæta á fundi hverju sinni. Ekki verður haldin sérstök félagaskrá.
10. gr.
Samþykktum þessum verður einungis breytt á aðalfundi félagsins. Breytingatillögur skulu liggja frammi hjá formanni stjórnar félagsins viku fyrir boðaðan aðalfund og einnig vera aðgengilegar á heimasíðu félagsins á Vefnum frá sama tíma.
|
