Enn um sjálfsstyrkingu.

•Byrjaðu á að setja þér ákveðin mörk eða ramma sem þú treystir þér að fara eftir.
•Byrjaðu smátt á hlutum sem þú veist að þú ræður við og færðu svo út kvíarnar eftir því sem við á og þú finnur að þú getur.
•Notaðu þinn eigin hraða til að vinna eftir. Finndu hvað er gott að geta staðið á sínu.
•Taktu eitt skref í einu, náðu jafnvægi þar, taktu svo næsta skref og næsta og þannig koll af kolli.
•Stundum er auðveldara að hlaupa, en ganga rólega. Með því að hlaupa nærð þú fyrr á áfangastað, en missir af ýmsu á leiðinni. Það að ganga er tafsamara en þú sérð betur hvað á vegi þínum verður og hvaða tilfinningar það vekur innra með þér.
•Að skoða tilfinningar getur verið ógnandi en aðeins með að skoða þær og viðurkenna að þú hafir þær ertu á réttri leið. Leið sem gerir þig að sjálfstæðum einstaklingi.
•Ekki finnast þú ábyrgur fyrir hamingju annarra. Hver og einn velur eigin hamingju. Þú getur ekki valið fyrir neinn.
•Settu upp plan fyrir framtíðina um hvernig þú vilt lifa lífinu.
•Skoðaðu lífið, hvaða möguleika býður það uppá, vertu með.
•Gefðu öðrum það sem þú æskir eftir- ást, stuðning, þakklæti og viðurkenningu og þú munt uppskera það sama.
•Vertu í nútíðinni, það sem er liðið er liðið, þú getur ekki breytt því. En þú getur tekið með þér inn í framtíðina þá þekkingu og reynslu sem þú telur vera þér til góðs.
•Horfðu á það sem þú ert ánægð með í fari þínu og njóttu þess.

v Hugsaðu þér tóman  ramma. Í rammann er ekki komin mynd. Þú ætlar að búa til myndina sjálf. Myndin á að túlka líf þitt eins og þú vilt hafa það. Smám saman finnur þú út hvernig draumalífið þitt á að verða og fyllir myndina smátt og smátt.Þegar þú ert búin að ljúka við myndina getur þú farið að skoða hvað þú getir gert til að raungera þessa mynd. Þarft þú að breyta einhverjum áherslum í lífi þínu til að ná þessu takmarki? Skoðaðu þetta vel, ásettu þér að vinna að þessu marki og láttu það fá forgang hjá þér.