Nokkur atriði tengd álagsstreitu

Það er munur á okkur sem einstaklingum undir sömu álagskringumstæðum.  Það sem er álag fyrir einn er ekki endilega álag fyrir annan. Það að við bregðumst misjafnlega við er komið undir ýmsum þáttum s.s.

• ¨ Þol – álagsþröskuldur. Hann er misjafn hjá sama einstaklingi s.s. hvort mikið álag er fyrir hjá honum t.d. tengt einhverjum erfiðleikum í einkalífi eða öðru.
• ¨ Tilfinningalegt jafnvægi/ójafnvægi.
• ¨ Skapgerð.
• ¨ Ytri aðstæður.
• ¨ Endurtekin neikvæð reynsla, bæði í starfi og einkalífi.
• ¨ Eigin reynsla af erfiðleikum – hvernig úrvinnslan hefur tekist.  Þetta á einnig við þó áfallið hafi ekki gerst í raun, heldur aðeins “munað mjóu.”  Undir þannig kringumstæðum getur upprifjunin í huganum verið alveg jafn alvarleg eins og ef áfallið hafi í raun komið fyrir.  Þarna er um að ræða alvarleika ef upprifjunin er sífellt endurtekin og veldur endurtekinni vanlíðan.
• ¨ Stuðningnet í kringum viðkomandi s.s. fjölskylda, vinir, faglegur stuðningur.

Gott getur verið að vinna með í hópumræðu (handleiðslu) hvað eftirfarandi hugtök merkja fyrir hvern og einn og hvernig þau geta verið tengd álagi:

Vinnuálag – samskiptaerfiðleikar – tímaskortur – vald – nálægð/tengsl – ábyrgð – viðkvæmni fyrir höfnun – siðferðileg togstreita – áreitni – norm/viðhorf – óvirkni – væntingar/kröfur – andlegt álag – glataðar hugsjónir – þreyta – vinnufélagar – yfirmenn – vinnuumhverfi – fullkomnunarþörf – vinsældir – sjálfsumönnun – lífssýn – ágreiningur.

Vilborg G. Guðnadóttir vann upp úr glósum úr fyrirlestri Rúdólfs Adólfssonar, hjúkrunarfr. í jan. 1999.