Til að forðast meðvirkni eru ýmsar leiðir.

Byrjaðu á að setja sjálfri(um) þér ákveðin mörk eða ramma sem þú treystir þér til að fara eftir.

Byrjaðu smátt, á hlutum sem þú veist að þú ræður við og færðu svo út kvíarnar eftir því sem við á og þú finnur að þú getur.

Notaðu þinn eigin hraða til að vinna eftir.  Finndu hvað er gott að geta staðið á sínu.

Taktu eitt skref í einu, náðu jafnvægi þar, taktu svo næsta skref og næsta og þannig koll af kolli.

Stundum er auðveldara að hlaupa, en að ganga rólega. Með því að hlaupa nærð þú fyrr á áfangastað, en þú missir af ýmsu á leiðinni. Það að ganga er tafsamara en þú sérð betur hvað á vegi þínum verður og hvaða tilfinningar það vekur innra með þér.

Að skoða tilfinningar getur verið ógnandi en aðeins með því að skoða þær og viðurkenna að þú hafir þær ertu á réttri leið.  Leið sem hjálpar þér út úr meðvirkninni.  Leið sem gerir þig að sjálfstæðum einstaklingi.