Velkomin/n í heimsókn á vefsvæði okkar. 

Ef þú átt í fórum þínum efni sem birta má á síðunni hvetjum við þig til að senda okkur það.

Efni þessarar síðu hefur margvíslegan tilgang og má þar nefna

Vettvangur fyrir þolendur heimilisofbeldis til að ná sambandi við aðra sem eru að upplifa eða hafa upplifað svipað eða sama.

Vettvangur fyrir þolendur heimilisofbeldis til að sækja ráð og styrk til að vinna í sínum málum hvort sem er í sambandinu sjálfu eða eftir að því líkur.

Vettvangur til að almenningur geti lesið reynslusögur og greinar um heimilisofbeldi og þannig  öðlast betri skilning á efninu og hvað það er sem gerist í slíkum samböndum og eftir að þeim líkur. Þannig eyðum við þeim fordómum sem því miður hafa fundist í þjóðfélaginu gagnvart þolendum heimilisofbeldis.

Vettvangur til að skapa aukna þekkingu og umræður um heimilisofbeldi og þannig rjúfa þá leynd sem hingað til hefur í of miklu máli einkennt þau mál.

Vettvangur til að gera sýnilegan þann árangur og styrk sem þeir sem hafa lifað við heimilisofbeldi jafnvel árum saman eiga. Það er staðreyndin að þrátt fyrir það sálarlega og félagslega niðurbrot sem heimilisofbeldi oft veldur hjá þolendum er það langt í frá það sem þarf að marka framtíð þeirra. Þeir sem hafa upplifað slíkt hafa jafnframt oft þann gífurlega styrk sem þarf til að brjóta hlekki fortíðar og ganga vegin í átt til frelsis nútíðar og framtíðar.

Efni á þessari síðu má ekki afrita eða birta annarstaðar nema með leifi stjórnar samtakanna.

Gildir það um allt efni síðunnar sem og efni gestabókar okkar.